بسم الله الرحمن الرحيم
مساكم الله بالخير ,,
وعساكم بخير وعافية وانشالله تكون اعصابكم هاديه....
ندخل في الموضوع ...
بذمتكم مايرتفع ضغطكم من هالاسئله اللي دايما او يوميا تتكرر....
انت والاهل توكم ياين من السوق تيي اختك الصغيره والا الكبيره او اخوك الصغير الي فالبيت
تقول :ها يـــتووو....لا تونا فالطرييق>>>>شو رايك يعني؟؟؟!
انت بغرفتك منسدح ومطفي الليت,,,فجأه يدخل اخوك والا اختك يفتح الباب ويقولك: هابتنام.............لابرقص اكييد بنام
انت لاببس وكاشخ ووساير صوب االباب فجأه يشوفك واحد من اهلك ويقولك: بتطلع ؟؟
....لابجرب الباب زين والا لا >>>>>سؤال خطيييير.....
انت بغرفتك ماسك الكتب وقاعد تدرس يدخل واحد من اهل اهلك يقولك:قاعد تدرس!!!!
..........لاافرش اسناني>>>>>يعني ماسك كتااب شو اسوي فيه؟؟؟
انت يالس في الكوفي وتاكلك شيز كيك ولا تشرب هاك الفربتشينو البآآآرد وييك واحد من الربع او الاهل يقووولك: شو تسوي هني ؟!؟!؟
..........ابييع فندال!!لاتعلييييييق
انت حاط حالتك مشغول في المسن يدخل واحد فاااااضي ويسألك انت مشغول <<لافاااضي ......صدق ماعنده سالفه
لا ووتعالو شوفو قنواتنا العجيبه هم واسئلتهم:
المذيع: مرحبا عرفنا باسمك الكريم
المواطن: فلان الفللاني
المذيع:شو تقول لاهلك بالعيد!!!!!!
المواطن:اقولهم كل عام وانتو بخير
السؤاااااااااال غبي والمذيع اغبي
والاسخف من جي يوم ان المذيع
يسال حد من اليهال: تحب ماما وبابا
لااحبك انت ويا ويهك ...سؤال عبيط
برنامج المسابقات على الهوا:
المتصل:الووو السلام عليكم
المذيع : وعليكم السلام هلا وغلا
المتصل: ممكن اشااارك
يعني انت تشاارك ليش تستأذن .........من زود الاتكيت يعني
السبت مايو 15, 2010 4:44 am
